كلمات اغنية الام الوطن // ع الله زريقة

ة الأم الوطن
سنة 1978

ما بقى ضحك
ما بقات اوْناسا
معلوم تضَلِّي عساسا
فالشرجم تتسناي اخيالو
ولدك يرجع من المدرسة
إيقول ليك الحاكم
ولدك ما اقرى والو
ايقول ليك الحاكم
ولدك شغلاتو السياسة
ايْقول ليك الحاكم
ولدك ما اشبه شِي لخوالو
ولدك تلزموا حراسة
يتربى يرجع لحالو راك ما ربيتي والو
يتربا يرجع لحالو راك ما ربيتي والو
كان لازمك تكوني كوساسا
او بوليس إمنعوا و قمعوا
ما يَضْسَر ما يخمم في رياسة
ولدي ياسيدي الرزانة والوقر
ولدي ياسيدي اتباثة وكياسة
ولدك آلالة ما شبه شي لخوالو
اعشق العامل وعشق الفلاح
ولدك آلالة فلسطيني ولدك آلالة
ولدك كيفاري
كيحلم بالعسة كيحلم بالسلاح
ولدك آلالة كيقولوا يساري
خلاص خلاص اتحزم للكفاح
"ونْـتِينا يا لالة تتقولي قاري
يكفينا يا لالة آش بنا لمزاح
ولدك ألالة رجلو خرجوا الشواري

ولدك آلالة " مْوسخ لَضْواصا
ولدك آلالة لازم يتكلاصا
--
ولدي يا سيدي تربية إيدي
امقرياه انا ولدي تلميذي

ولدي بخوتوا ولدي باخوالو
ولدي بارفاقوا وارفاقوا اشْحال
ولدي فلسطيني ولدي كيفاري
واخوت فالنضال
ولدي باقرايتو ولدي باعنايتو
واخوت في النضال
ولدي فلاحة ولدي عمال
ولدي سعيدة ولدي زروال
ولدي فلاحة ولدي عمال
ولدي بنبركة ولدي عمر
ولدي دهكون ولدي رحال
ولدي فلاحة ولدي عمال
ولدي سعيدة ولدي زروال
ولدي بنبركة ولدي عمر
ولدي دهكون ولدي رحال
ما نبكي ما نتألم
ما نخسر ما نتهزم
مزالة نولد صُبحية
او مع لعشية نتحزم
او نعاود نقري ونعلم
كرشي فاكفايتو- كرشي فحمايتو
كيدي يا نار
كيدي و زيدي و حرقي لدخال
حرقيها مازال
كيدي او زيدي او ولدي لرجال
كيدي يا نار كيدي يا نار
آه آه آه آه - آه آه آه آه - ها ها ها ها